1. Міжнароднае ўсынаўленне замежнымі грамадзянамі і асобамі без грамадзянства дзяцей-грамадзян Рэспублікі Беларусь, якія пастаянна пражываюць у Рэспубліцы Беларусь, а таксама міжнароднае ўсынаўленне дзяцей-іншаземцаў, якія пастаянна пражываюць у Рэспубліцы Беларусь.   

    У Рэспубліцы Беларусь усынавіцелямі могуць быць асобы, якія пастаянна пражываюць у Рэспубліцы Беларусь, незалежна ад грамадзянства.

     У адпаведнасці з артыкулам 1 Закона Рэспублікі Беларусь ад 4 студзеня 2010 г. № 105-З «Аб прававым становішчы замежных грамадзян і асоб без грамадзянства ў Рэспубліцы Беларусь» дакументам, які пацвярджае пастаяннае пражыванне іншаземца ў Рэспубліцы Беларусь, з'яўляецца від на жыхарства ў Рэспубліцы Беларусь.

    Міжнароднае ўсынаўленне на тэрыторыі Рэспублікі Беларусь робіцца пры ўмове атрымання ў кожным асобным выпадку пісьмовага дазволу на ўсынаўленне Міністра адукацыі Рэспублікі Беларусь.

      Дзеці-сіроты і дзеці, якія засталіся без апекі бацькоў, могуць быць перададзены на ўсынаўленне замежным грамадзянам, якія не з'яўляюцца сваякамі дзяцей, пасля заканчэння аднаго года з дня пастаноўкі гэтых дзяцей на цэнтралізаваны ўлік у рэспубліканскім банку даных аб усынаўленні  (за выключэннем усынаўлення мужам і жонкай, адзін з якіх з'яўляецца грамадзянінам Рэспублікі Беларусь, які пастаянна пражывае на тэрыторыі Рэспублікі Беларусь).

    Пры ўсынаўленні на тэрыторыі Рэспублікі Беларусь грамадзянамі Рэспублікі Беларусь, замежнымі грамадзянамі або асобамі без грамадзянства дзіцяці, якое з'яўляецца замежным грамадзянінам і якое пражывае на тэрыторыі Рэспублікі Беларусь, неабходна таксама атрыманне пісьмовага дазволу кампетэнтнага органа дзяржавы, грамадзянінам якога з'яўляецца дзіця.

 

2. Міжнароднае ўсынаўленне дзяцей-грамадзян Рэспублікі Беларусь замежнымі грамадзянамі, асобамі без грамадзянаста і грамадзянамі Рэспублікі Беларусь, якія пастаянна пражываюць за межамі Рэспублікі Беларусь

     У адпаведнасці з заканадаўствам Рэспублікі Беларусь замежныя грамадзяне, асобы без грамадзянства і грамадзяне Рэспублікі Беларусь, якія пастаянна пражываюць на тэрыторыі замежнай дзяржавы, маюць магчымасць усынавіць дзіця на тэрыторыі Рэспублікі Беларусь, уключанага ў спіс дзяцей, у адносінах да якіх магчыма міжнароднае ўсынаўленне (далей - спіс), а  таксама  пры  ўмове ўзгаднення працэдуры міжнароднага ўсынаўлення паміж кампетэнтнымі органамі Рэспублікі Беларусь і  замежнай дзяржавай.    

  Неабходнасць узгаднення працэдуры міжнароднага ўсынаўлення прадугледжана артыкулам 233 Кодэкса Рэспублікі Беларусь аб шлюбе і сям'і (выключэнне складаюць выпадкі міжнароднага ўсынаўлення айчымамі/мачахамі або сваякамі дзіцяці, пры дакументальным пацверджанні сваяцтва).

  Беларусь узгадніла працэдуру міжнароднага ўсынаўлення толькі з Італьянскай Рэспублікай (Пратакол аб супрацоўніцтве паміж Міністэрствам адукацыі Рэспублікі Беларусь і Камісіяй па міжнародным усынаўленні пры Прэзідыуме Савета Міністраў Італьянскай Рэспублікі па пытаннях усынаўлення непаўналетніх грамадзян Рэспублікі Беларусь грамадзянамі Італьянскай Рэспублікі). Грамадзяне Італіі не могуць усынавіць у Беларусі нявызначанае дзіця. Грамадзяне Італьянскай Рэспублікі ўсынаўляюць у нашай краіне тых дзяцей, якіх яны неаднаразова прымалі ў сваёй сям'і на аздараўленчы адпачынак, а таксама ў выпадку ўстанаўлення паміж дзіцем і сям'ёй паўнацэнных дзіцяча-бацькоўскіх адносін (сярэдні ўзрост усыноўленых у Італію беларускіх дзяцей 14 гадоў), уключаных у спіс.